माजलगाव -भारतीय जनता पक्षाचा पदाधिकारी असलेल्या बाबासाहेब आगे यांच्यावर भरदिवसा सत्तूरणे सपासप वार करून त्यांची हत्या करून आरोपी नारायण फपाळ हा पोलीस ठाण्यात हजर झाला. भाजप कार्यालयाशेजारी हा थरारक प्रसंग घडल्याने एकच खळबळ उडाली. हत्येचे कारण अद्याप अस्पष्ट असले तरी अनैतिक संबंधातून हा प्रकार झाल्याची चर्चा आहे. पुढील तपास पोलीस करत आहेत.
माजलगाव शहरातील स्वामी समर्थ मंदिराजवळ भर वस्तीत घडलेल्या या घटनेनं खळबळ उडाली आहे. नराधमांना कायदाचा धाक उरलेला आहे की नाही? असा प्रश्न देखील आता उपस्थित होत आहे. माजलगाव तालुक्यातील किटी आडगाव ग्रामपंचायतचे सदस्य असलेले बाबासाहेब आगे हे भाजपच्या तालुका अध्यक्ष अरुण राऊत यांच्या भेटीसाठी माजलगाव शहरात स्वामी समर्थ मंदिराजवळ भाजप कार्यालय येथे आले होते. त्या कार्यालयाच्यासमोरच त्याच्यावर धारदार शस्त्राने हल्ला करण्यात आला आणि यात त्याचा जागीच मृत्यू झाला.
आरोपी नारायण शंकर फपाळ याने कोयता शर्टच्या पाठीमागे लपवून आणला होता. त्यानंतर सपासप वार करून त्याने भरदिवसा या तरुणाची हत्या केली. स्वतः आरोपी नारायण शंकर फफाळ हा माजलगाव शहर पोलीस ठाण्यामध्ये हजर होऊन त्याने हत्येची कबुली दिली आहे.
Leave a Reply